| Jaṭākaṭāhasaṃbhramabhramanniliṃpa nirjharī vilola vīcivallarī virājamānamūrdhani, |
| Dhagaddhagaddhagajjvalallalāṭapaṭṭapāvake kiśora caṃdraśekhare ratiḥ pratikṣaṇaṃ mama. (1) |
|
| Dharādhareṃdra naṃdinī vilāsabaṃdhubaṃdhura sphuraddr̥(ddi)gaṃta saṃtati pramodamānamānase, |
| Kr̥pākaṭākṣadhoraṇī niruddha durdharāpadi kvaciddhigaṃbare mano vinodametu vastuni. (2) |
|
| Jaṭābhujaṃga piṃgaḷa sphuratphaṇāmaṇiprabhā kadaṃbakuṃkumadrava pralipta digvadhūmukhe, |
| Madāṃdhasiṃdhurasphurattvaguttarīyamedure mano vinodamadbhutaṃ bibhartu bhūtabhartari. (3) |
|
| Sahasralocana prabhr̥tya śeṣalekhaśekharaprasūnadhūḷi dhoraṇī vidhūsarāṃghri pīṭhabhūḥ, |
| Bhujaṃgarājamālayā nibaddha jāṭajūṭakaḥ śriyai cirāya jāyatāṃ cakorabaṃdhu śekharaḥ. (4) |
|
| Lalāṭa catvara jvala ddhanaṃjaya sphuliṃgabhānipītapaṃcasāyakaṃ namanniliṃpanāyakam, |
| Sudhāmayūkhalekhayā virājamāna śekharaṃ mahākapālisaṃpade śiro jaṭālamastunaḥ. (5) |
|
| Karāḷaphāla paṭṭikā dagaddhagaddhagajjvaladdhanaṃjayādharīkr̥ta pracaṃḍa paṃcasāyake, |
| Dharādhareṃdra naṃdinī kucāgracitra patraka prakalpanaikaśilpani trilocane matirmama. (6) |
|
| Navīnameghamaṃḍalīniruddhadurdharasphuratkuhūniśīthinī tamaḥ prabaṃdhabaṃdhukaṃdharaḥ, |
| Niliṃpa nirjharī dharastanotu kr̥ttisiṃdhuraḥ kaḷānidānabaṃdhuraśśriyaṃ jagaddhuraṃdharaḥ. (7) |
|
| Praphulla nīlapaṃjaka prapaṃcakālimacchaṭā viḍaṃbikaṃṭha kaṃdharāruci prabaṃdhakaṃdharam, |
| Smaracchidaṃ puracchidaṃ bhavacchidaṃ mukhacchidaṃ gajacchidāṃdhakacchidaṃ tamaṃtakacchidaṃ bhaje. (8) |
|
| Agarvasarvamaṃgaḷā kaḷākadaṃbamaṃjarī rasapravāhamādhurī vijr̥ṃbhaṇāmadhuvratam, |
| Smarāṃtakaṃ purāṃtakaṃ bhavāṃtakaṃ makhāṃtakaṃ gajāṃtakāṃdhakāṃtakaṃ tamaṃtakāṃtakaṃ bhaje. (9) |
|
| Jayatvadabhra vibhrama bhramadbhujaṃgamasphuraddhagaddhagadvinirgamatkarāḷabālahavyavāṭ, |
| Dhimi ddhimi ddhimi dhvananmr̥daṃgatuṃgamaṃgaḷa dhvanikramapravartitapracaṃḍatāṃḍavaśśivaḥ. (10) |
|
| Dr̥ṣadvicitra talpayo rbhujaṃga mauktika srajo rgariṣṭharatnaloṣṭayo ssuhr̥dvipakṣa pakṣayoḥ, |
| Tr̥ṇāraviṃda cakṣuṣoḥ prajā mahī maheṃdrayo ssamaṃ pravartayanmanaḥ kadā sadāśivaṃ bhaje. (11) |
|
| Kadā niliṃpanirjharīnikuṃja koṭare vasa nvimuktadurmatissadā śirasthamaṃjaliṃ vahan, |
| Vimuktalola locano lalāṭaphāla lagnaka śśiveti maṃtra muccarankadāsukhī bhavāmyaham. (12) |
|
| Imaṃ hi nityameva muktamuttamottamaṃstavaṃ paṭhasmaranbruvannaro viśuddhimeti saṃtatam, |
| Hare gurau subhaktimāśu yāti nānyathā gatiṃ vimohanaṃ hi dehināṃ suśaṃkarasya ciṃtanam. (13) |
|
| Pūjāvasānamayo daśavaktragītaṃ yaśśaṃbhupūjanamidaṃ paṭhati pradoṣe, |
| Tasya sthirāṃ rathagajeṃdra turaṃga yuktāṃ lakṣmīṃ sadaiva sumukhīṃ pradadāti śāṃbhuḥ. (14) |
|
| :: Iti Śrīdaśakaṃṭha Rāvaṇa Viracitaṃ Śivatāṃḍavastotraṃ Samāptam :: |
